ပထမဆုံးအချက်။ သတင်းထဲမှာ ရေးထားသလိုပဲ ဒါဟာ သင့်တော်တဲ့ လုပ်ရပ်မဟုတ်ပါဘူး။ ညစာစားပွဲကျင်းပနေတဲ့ ဘုရားနဲ့ အဲဒီဘုရားကို တည်ခဲ့တဲ့ လူကို မလေးစားရာ ရောက်ပါတယ်။ ဘယ်သူကမှ ညစာစားပွဲလုပ်ပြီး ပိုက်ဆံရှာဖို့ဆိုပြီး ဘုရားတည်မှာ မဟုတ်ပါဘူး။ ကိုယ်တည်တဲ့ဘုရား သူများက ဒါမျိုးလာလုပ်ရင် ဘယ်လိုနေမတုန်း။ စဉ်းစားကြပါ။ ကိုယ်ချင်းစာကြပါ။
ဒုတိယအချက်။ ထမင်းစားပြီ ဆိုမှတော့ ဖိတ်တာ စင်တာ ရှိမှာပါပဲ။ အဲဒီ အဖိတ်အစင်တွေဟာ သူတို့နဲ့ ဆိုင်ရာ ဆိုင်ရာ ပိုးမွှားတွေကို ဖိတ်ခေါ်ပါလိမ့်မယ်။ နှစ်ပေါင်း ၉၀၀ကျော် သက်တမ်းရှိတဲ့ ဒီဘုရားတွေဟာ ရာသီဥတုဒဏ်ကို ခံနိုင်တာတောင်လွန်လှပါပြီ။ ပိုးမွှားဒဏ်ပါ ထည့်ပေါင်းလိုက်ရင် နောင် ဘယ်လိုမှ ကြာကြာခံဖွယ်မရှိပါ။ ဒီစားကြွင်းစားကျန်တွေဟာ အနံ့အသက်ဆိုးတွေလည်း ပေးပါမယ်။ ဘုရားဖူးဧည့်သည်တွေအတွက် ဘယ်လိုမှ ကောင်းမွန်တဲ့ အတွေ့အကြုံပေးမယ်မဟုတ်ပါ။
ကိုယ်ဒေါ်လာရဖို့လေးနဲ့တော့ အနော်ရထာနဲ့ သူချစ်တဲ့ ပုဂံသားတို့ရဲ့ ကောင်းမှုတွေကို မဖျက်ဆီးကြပါနဲ့လို့။
0 comments:
Post a Comment